سکردو ائیرپورٹ کا مرکزی رن وے جزوی بند، نوٹم جاری

سکردو: سکردو ائیرپورٹ پر مرمتی کام کے باعث مرکزی رن وے 14L/32Rکو جزوی طور پر بند کر دیا گیا۔پاکستان ایئرپورٹس اتھارٹی نے اس حوالے سے نوٹم جاری کر دیا ہے۔
حکام کے مطابق رن وے روزانہ صبح 8بجے سے دوپہر 4بجے تک دستیاب نہیں ہوگا جبکہ یہ بندش 28جون تک برقرار رہے گی۔ترجمان کے مطابق مرمتی کام میں رن وے سیل کوٹنگ، دراڑوں کی مرمت اور مارکنگ کی دوبارہ پینٹنگ شامل ہے۔
پی اے اے کے مطابق ہنگامی صورتحال میں رن وے کو کم از کم ایک گھنٹہ قبل ائیر ٹریفک کنٹرول سے رابطہ کر کے کھولا جا سکتا ہے۔