میری شادی کی جھوٹی خبریں پھیلانے والے اپنی بہنوں کی شادی کی فکر کریں: فضا علی

کراچی:ماڈل و اداکارہ فضا علی نے اپنی شادی سے متعلق جھوٹا پروپیگنڈا کرنےوالے ٹی وی چینلز، بلاگرز اور یوٹیوبرز کو آڑے ہاتھوں لیتے ہوئے کہا ہے کہ میرے شادی سے متعلق جھوٹی افواہیں پھیلانے والے اپنی بہنوں کی شادی کے بارے میں فکر مند ہوں۔
میں کسی کام کے سلسلے میں بیرون ملک جاؤں تو میری شادی کی جھوٹی خبریں پھیلا دی جاتی ہیں۔ کیا میں جہاں کام یا گھومنے کے لیے جاؤں وہاں جا کر شادی کرلیتی ہوں۔ میری شادی کی جھوٹی خبریں پھیلانے والوں نے شاید میرا جہیز بھی جمع کر لیا ہوگا۔
اداکارہ نے کہا کہ جھوٹی اور من گھڑت خبریں پھیلانے والوں کو سمجھنا چاہیے کہ ایسی جھوٹی افواہوں اور خبروں پر دل دکھتا ہے اور پریشانی ہوتی ہے۔