تل ابیب میں دھماکہ،پولیس کی جانب سے تحقیقات جاری

تل ابیب :اسرائیلی فوج کے ترجمان نے کہا ہے کہ اسرائیلی پولیس تل ابیب میں ہونے والے دھماکے کی تحقیقات کر رہی ہے جس میں ایک شخص ہلاک ہو گیا۔ بظاہر لگتا ہے کہ یہ مزاحمت کاروں کا حملہ ہو سکتا ہے۔غیرملکی خبررساں ادارے کے مطابق پولیس ترجمان نے کہاکہ واقعے کی تصدیق بم دھماکہ کے طور پر ہوئی ہے۔ دھماکے کے نتیجے میں ایک شخص ہلاک ہو گیا جس کی شناخت تاحال معلوم نہیں ہے اور دوسرا شخص معمولی زخمی ہوا۔ترجمان نے مزید کہاکہ تمام تحقیقاتی طریقے استعمال کیے جا رہے ہیں۔