مقابلہ حُسن، بیٹی کی چوتھی پوزیشن پر باپ کی ججز پر فائرنگ
پولیس کی جوابی فائرنگ میں لڑکی کا باپ شدید زخموں کی تاب نہ لاتے ہوئے انتقال کر گیا
مقابلہ حُسن، بیٹی کی چوتھی پوزیشن پر باپ کی ججز پر فائرنگ
الٹامیرا : برازیل کے شہر الٹامیرا میں ایک مقامی مس مقابلے کی تقریب میں ایک افسوسناک سانحہ پیش آیا جب ایک امیدوار لڑکی کے والد نے اپنی بیٹی کو چوتھی پوزیشن دیے جانے پر ججوں پر فائرنگ کر دی۔
یہ واقعہ II Baile da Escolha da Rainha نامی مس مقابلے کی تقریب کے اختتام پر پیش آیا۔ تقریب ختم ہونے کے تقریباً دو گھنٹے بعد، لڑکی کے والد نے اپنی بیٹی کے چوتھے مقام پر آنے پر شدید غصے کا اظہار کرتے ہوئے ججوں پر گولی چلائی۔
مقابلے کی تقریب کے مقام پر پرائیویٹ سیکیورٹی اور ملٹری پولیس کا عملہ موجود تھا، لیکن غصے میں بھرا والد نے ان کی موجودگی کی پرواہ نہ کرتے ہوئے ججوں کی جانب فائرنگ کر دی۔ خوش قسمتی سے، اس واقعے میں کوئی جانی نقصان نہیں ہوا۔
پولیس نے فوری طور پر جوابی فائرنگ کی، جس کے نتیجے میں والد زخمی ہو گئے اور انہیں اسپتال منتقل کیا گیا، جہاں وہ زخموں کی تاب نہ لاتے ہوئے انتقال کر گئے۔
یہ واقعہ نہ صرف ایک خوبصورتی کی تقریب کو بدنما بنا گیا بلکہ اس نے مقامی کمیونٹی کو بھی صدمے میں مبتلا کر دیا۔
