جامشورو میں موسلا دھار بارش، کئی مقامات پر پانی جمع، 2 افراد جاں بحق
بارش کے باعث شہر کا بیشتر حصہ تاریکی میں ڈوب گیا اور حیسکو کے 48 فیڈر بند کر دیے گئے
جامشورو میں موسلا دھار بارش، کئی مقامات پر پانی جمع، 2 افراد جاں بحق
جامشورو : جامشورو اور گردونواح میں رات دس بجے سے سوا گیارہ بجے تک تیز بارش کا سلسلہ جاری رہا جس کے باعث نشیبی علاقے زیر آب آ گئے۔ بارش کے باعث شہر کا بیشتر حصہ تاریکی میں ڈوب گیا اور حیسکو کے 48 فیڈر بند کر دیے گئے۔
بارش کے بعد شہر میں نکاسی آب کے کام کی مانیٹرنگ کے لیے میئر حیدرآباد کاشف شورو اور ڈپٹی کمشنر زین العابدین نے مختلف پمپنگ اسٹیشنز کا دورہ کیا۔ ضلعی انتظامیہ کا کہنا ہے کہ بجلی کی عدم فراہمی کے باعث نکاسی آب کا کام متاثر ہو رہا ہے اور پمپنگ اسٹیشنز پر بجلی بحال کرنا ضروری ہے۔
جامشورو، نوری آباد اور تھانہ بولا خان میں تیز بارش کے باعث ندی نالوں میں طغیانی آ گئی اور تھانہ بولا خان کے علاقے کرچات میں متعدد کچے مکانوں کی چھتیں گر گئیں جس کے نتیجے میں ایک شخص اور ایک خاتون جاں بحق ہو گئے۔
