Pakistan
Trending
ڈی آئی خان میں ججز سکواڈ پر فائرنگ، 2 اہلکار شہید
تینوں جج اس حملے میں محفوظ رہے ،نامعلوم حملہ آور ڈبل کیبن گاڑی بھی ساتھ لے گئے ہیں
ڈی آئی خان میں ججز سکواڈ پر فائرنگ، 2 اہلکار شہید
ڈی آئی خان :ڈی آئی خان: ڈی آئی خان میں ایک افسوسناک واقعہ پیش آیا ہے جہاں ججز کے اسکواڈ پر فائرنگ کے نتیجے میں دو پولیس اہلکار شہید ہو گئے ہیں۔ ڈی ایس پی حافظ محمد عدنان کے مطابق، یہ واقعہ ٹانک سے آنے والے ججز کے اسکواڈ پر ہتھالہ کے قریب پیش آیا۔ ججز کی سکیورٹی پر مامور دو محافظ، عبداللہ اور صمد، اس حملے میں جان کی بازی ہار گئے۔
حافظ محمد عدنان نے مزید بتایا کہ تینوں جج اس حملے میں محفوظ رہے جبکہ نامعلوم حملہ آور ڈبل کیبن گاڑی بھی ساتھ لے گئے ہیں۔ علاقے کا محاصرہ کر لیا گیا ہے اور ملزمان کی تلاش جاری ہے۔ اس واقعے نے علاقے میں خوف و ہراس پھیلا دیا ہے اور سکیورٹی فورسز نے علاقے میں چوکسی بڑھا دی ہے۔
