آئی سی سی کی نئی رینکنگ میں بابر اور رضوان کی تنزلی

انٹرنیشنل کرکٹ کونسل نے نئے ٹی 20 بیٹرز و بالرز کی رینکنگ جاری کر دی۔ پاکستان قومی ٹیم کے کپتان بابر اعظم اور محمد رضوان کی تنزلی ہوئی ہے۔
آسٹریلوی بیٹر ٹریوس ہیڈ نے ٹی20 بیٹرز کی رینکنگ میں 4 درجے چھلانگ لگاکر پہلی پوزیشن پر قبضہ جمالیا، انکے ریٹنگ پوائنٹس کی تعداد 844 جبکہ سوریا کمار یادیو 842 پوائنٹس کیساتھ دوسری پوزیشن پر آگئے۔ انگلینڈ کے فل سالٹ تیسری پوزیشن پر براجمان ہیں۔
اسی طرح کپتان بابراعظم اور محمد رضوان کی رینکنگ میں بھی ایک ایک درجہ تنزلی ہوئی ہے، بابر 755 رینٹنگ پوائنٹس کے ہمراہ چوتھی جبکہ رضوان 746 پوائنٹس کیساتھ پانچویں پوزیشن پر پھسل گئے ہیں۔
آل راؤنڈر رینکنگ سری لنکا کے وینندو ہسرنگا نے پہلی پوزیشن حاصل کرلی ہے جبکہ افغانستان کے محمد نبی دوسرے اور بھارت کے ہاردک پانڈیا تیسرے نمبر پر موجود ہیں۔