پٹرول مصنوعات کی قیمتوں میں کمی، نوٹیفکیشن جاری

پٹرول مصنوعات کی قیمتوں میں کمی، نوٹیفکیشن جاری

اسلام آباد: وزیراعظم شہباز شریف نے پٹرولیم مصنوعات کی قیمتوں میں نمایاں کمی کی منظوری دے دی ہے، جسے عوام کے لیے خوشخبری قرار دیا جا رہا ہے۔

ڈیزل کی فی لیٹر قیمت میں 10 روپے 86 پیسے کی کمی کی گئی ہے، جبکہ پٹرول کی فی لیٹر قیمت 6 روپے 17 پیسے کم کردی گئی ہے۔ اس کے ساتھ ساتھ، مٹی کے تیل کی قیمت میں بھی 6 روپے 32 پیسے کی کمی کی گئی ہے اور لائٹ اسپیڈ ڈیزل کی قیمت میں 5 روپے 72 پیسے فی لیٹر کی کمی کی گئی ہے۔

وزیراعظم کی اس منظوری کے بعد وزارت خزانہ نے باضابطہ طور پر نوٹیفیکیشن جاری کردیا ہے۔ عوام کے لیے یہ ایک بڑی خوشخبری ہے کیونکہ ان قیمتوں میں کمی سے روزمرہ کے اخراجات میں کمی آئے گی اور لوگوں کی زندگی میں آسانی ہوگی۔