عامرلیاقت (مرحوم کی) بیوہ دانیہ شاہ نے شادی کر لی، تصاویر وائرل

عامرلیاقت (مرحوم کی) بیوہ دانیہ شاہ نے شادی کر لی، تصاویر وائرل

لودھراں میں معروف ٹی وی میزبان ڈاکٹر عامر لیاقت کی بیوہ دانیہ شاہ نے اپنی دوسری شادی کی تصدیق کردی ہے۔ دانیہ شاہ نے حال ہی میں ایک ویڈیو بیان میں اس بات کا اعلان کیا کہ انہوں نے شہزاد نامی شخص سے نکاح کر لیا ہے۔

ویڈیو بیان میں دانیہ شاہ نے وضاحت کی کہ ان کی زندگی میں مختلف مسائل چل رہے تھے اور انہیں ایک محرم کی ضرورت تھی۔ انہوں نے کہا، "مجھے ایک ایسے شخص کی ضرورت تھی جو ہر لمحہ میرا ساتھ دے سکے، اور اسی دوران شہزاد نے مجھے نکاح کے لیے پیشکش کی۔ میں نے سوچ سمجھ کر ان سے نکاح کر لیا ہے۔”

دوسری ویڈیو میں، دانیہ شاہ کے شوہر شہزاد کو ان کے ساتھ سڑک پر کھڑے دوستوں سے ملواتے دیکھا جا سکتا ہے۔ شہزاد نے اس ویڈیو میں کہا، "یہ ویڈیو ان لوگوں کے لیے ہے جو میرا دانیہ شاہ سے نکاح مذاق سمجھتے ہیں۔ ہماری شادی 2 سے 4 ماہ پہلے ہو چکی ہے۔”

یاد رہے کہ دانیہ شاہ کو 2022 میں ڈاکٹر عامر لیاقت کی نازیبا ویڈیو بنانے اور وائرل کرنے کے الزام میں لودھراں سے گرفتار کیا گیا تھا۔ بعد ازاں، کئی ماہ کی قانونی کارروائی کے بعد انہیں رہائی مل گئی تھی۔