مردہ کتا قبر سے نکل کر مالک کے پاس پہنچ گیا
اب تک یہ معمہ حل نہیں ہو سکا کہ ہوسن اپنی قبر سے کیسے باہر نکلا
مردہ کتا قبر سے نکل کر مالک کے پاس پہنچ گیا
یونگ چیون: جنوبی کوریا کا ہوسن نامی کتا ٹرک حادثے میں مردہ قرار دے کر دفنائے جانے کے بعد اپنی قبر سے نکل کر واپس گھر پہنچ گیا۔
یونگ چیون شہر میں ہوسن ایک خوفناک ٹرک حادثے کا شکار ہوا۔ ٹکر اتنی شدید تھی کہ ایک پڑوسی نے اسے مردہ سمجھا اور قریب کے کھیت میں دفن کردیا۔ بعد میں اس پڑوسی نے ہوسن کے مالکان کو اس واقعے کی اطلاع دی۔
چار دن بعد، ہوسن کے مالکان نے گھر کے قریب ایک کھائی سے کتے کے رونے کی آواز سنی۔ جب انہوں نے قریب جا کر دیکھا تو حیرت زدہ رہ گئے کیونکہ وہ ہوسن تھا، جو بری طرح زخمی تھا مگر زندہ تھا۔ اس کی پچھلی ٹانگیں ٹوٹ چکی تھیں اور وہ بمشکل اپنی اگلی ٹانگوں پر چل رہا تھا۔ مالکان نے فوری طور پر اسے پانی دیا اور ڈاکٹر کے پاس لے گئے جہاں اس کا علاج شروع کیا گیا۔
اب تک یہ معمہ حل نہیں ہو سکا کہ ہوسن اپنی قبر سے کیسے باہر نکلا۔ تاہم، اس واقعے نے اسے جنوبی کوریا میں ایک معجزاتی حیثیت دلوا دی ہے۔
