پاکستانی پی ایچ ڈی ریسرچ سکالر محمد عادل نواز خان نے پاکستان کا نام روشن کر دیا
اسلام آباد: پاکستانی پی ایچ ڈی ریسرچ سکالر محمد عادل نواز خان نے ایک اہم بین الاقوامی پلیٹ فارم پر ملک کا نام روشن کیا ہے۔
محمد عادل نواز خان ڈی جی پی آر میں بطور ڈپٹی ڈائریکٹر الیکٹرانک میڈیا خدمات انجام دے رہے ہیں۔
وہ اٹلانٹا جارجیامیں واقع ایموری یونیورسٹی کینڈلر سکول آف میڈیا اینڈ انٹرنیشنل افیئرز سے پی ایچ ڈی فیلو شپ بھی کر چکے ہیں۔
محمد عادل نواز خان کی محنت اور تحقیق کی بدولت ان کا آرٹیکل سارک کلچرل جرنل میں شائع ہوا، جو جنوبی ایشیائی ممالک کے درمیان ثقافتی تعاون اور تبادلے کو فروغ دینے کے لیے ایک اہم پلیٹ فارم ہے۔ ان کا آرٹیکل نہ صرف ان کی علمی قابلیت کا مظہر ہے بلکہ پاکستان کی ثقافتی ورثے کو عالمی سطح پر پیش کرنے کا ایک ذریعہ بھی ہے۔
سارک کلچرل جرنل میں محمد عادل نواز خان کے آرٹیکل کی شمولیت نے پاکستان کی علمی اور تحقیقی میدان میں اہم مقام کی تصدیق کی ہے۔ ان کی اس کامیابی پر ان کے اساتذہ، دوستوں اور خاندان نے مبارکباد دی ہے اور ان کے مزید کامیابیوں کے لیے نیک خواہشات کا اظہار کیا ہے۔
یہ کامیابی پاکستان کی تعلیمی اداروں اور ریسرچ سکالرز کے لیے ایک مثال ہے کہ محنت اور لگن کے ساتھ عالمی سطح پر نمایاں مقام حاصل کیا جا سکتا ہے۔
