حکومت نے آئی ایس آئی کو کال سننے کی اجازت دیدی

حکومت نے آئی ایس آئی کو کال سننے کی اجازت دیدی

اسلام آباد: وفاقی حکومت نے آئی ایس آئی کو شہریوں کی فون کالز سننے اور ٹریس کرنے کی اجازت دے دی ہے۔ اس فیصلے کے تحت آئی ایس آئی کو نہ صرف فون کالز بلکہ میسجز میں بھی مداخلت یا انہیں ٹریس کرنے کا اختیار حاصل ہوگا۔

کابینہ نے اس فیصلے کی منظوری سمری کے ذریعے دی، جس میں کہا گیا ہے کہ یہ اقدام قومی سلامتی کے مفاد میں اور کسی جرم کے خدشے کے پیش نظر کیا گیا ہے۔

اسے بھی پڑھیں کینیا کی عدالت نے ارشد شریف کا قتل غیر قانونی قرار دیدیا

کابینہ کے فیصلے میں کہا گیا ہے کہ ایجنسی کے نامزد افسر کو فون کالز میں مداخلت یا انہیں ٹریس کرنے کا اختیار ہوگا۔ تاہم، اس کام کے لیے ایجنسی گریڈ 18 سے کم کے افسر کو تعینات نہیں کر سکے گی۔ یہ اختیار پاکستان ٹیلی کمیونیکیشن ایکٹ 1996 کے سیکشن 54 کے تحت دیا گیا ہے۔