عمران خان اہم مقدمہ میں ساتھیوں سمیت بری

عمران خان اہم مقدمہ میں ساتھیوں سمیت بری

اسلام آباد: بانی پی ٹی آئی و سابق وزیراعظم عمران خان اسلام آباد کے تھانہ آبپارہ میں درج مقدمے میں تمام ملزمان سمیت بری ہو گئے۔
جوڈیشل مجسٹریٹ یاسر محمود نے محفوظ شدہ فیصلہ سنایا۔

یہ بھی پڑھیں: بشریٰ بی بی کو احتساب عدالت سے بڑا ریلیف

مقدمے سے بری ہونے والے ملزمان میں بانی پی ٹی آئی، شاہ محمود قریشی، شیخ رشید، شہریار آفریدی، فیصل جاوید، راجہ خرم نواز، علی نواز
اعوان، اسد قیصر و دیگر شامل ہیں۔

عمران خان، شیخ رشید و دیگر کی جانب سے سردار مصروف ایڈووکیٹ اور انصر کیانی نے دلائل دیے تھے۔
واضح رہے کہ بانی پی ٹی آئی، شاہ محمود قریشی، شیخ رشید و دیگر کے خلاف الیکشن کمیشن کے فیصلے کے خلاف احتجاج پر مقدمہ درج کیا گیا تھا۔