میں ایک بدصورت اداکار ہوں: نواز الدین
مجھے خود بھی حیرت ہوتی ہے کہ میں فلم انڈسٹری میں کیسے آگیا
میں ایک بدصورت اداکار ہوں: نواز الدین
ممبئی: بالی ووڈ کے معروف اداکار نواز الدین صدیقی نے خود کو بدصورت اداکار قرار دے دیا۔
انہوں نے ایک انٹرویو کے دوران اس بات کا خود اعتراف کیا کہ میری شکل اچھی نہیں ہے اور بات کا اعتراف جب بھی آئینہ دیکھتا ہوں تو کرتا ہوں۔ مجھے خود بھی حیرت ہوتی ہے کہ میں فلم انڈسٹری میں کیسے آگیا۔ معمولی شکل کی وجہ سے لوگوں کے مذاق اور طنعوں کا نشانہ بنا۔
پوری دُنیا مذہب کا احترام کرنا بالی ووڈ انڈسٹری سے سیکھے: نواز الدین صدیقی
یہ بھی پڑھیں
نواز الدین صدیقی کا کہنا تھا کہ مجھے اپنی شکل کے باعث امتیازی سلوک کا سامنا کرنا پڑا۔ شوبز انڈسٹری میں خوبصورت چہروں کی ضرورت ہوتی ہے اور وہی چلتے ہیں جبکہ میں ایک بدصورت اداکار ہوں۔ مجھے اتنی بار یہ جملہ سننے کو ملا کہ مجھے خود بھی یقین ہوگیا کہ میری شکل بری ہے۔
اداکار کا مزید کہنا تھا کہ خود سے بھی یہ سوال کرنے لگا تھا کہ اتنی بری شکل لے کر انٹرینمنٹ انڈسٹری میں کیوں آگئے۔ معمولی شکل کے طعنے کا جواب دینے کے لیے اداکاری پر محنت کی اور جس مقام پر بھی ہوں اسی محنت اور کام کی وجہ سے ہوں۔
