پنجاب کے پہلے سرکاری آٹزم سکول کا سنگ بنیاد رکھ دیا گیا
وزیراعلیٰ مریم نوازکی سکول کو ایک سال میں مکمل کرنے کی ہدایات
پنجاب کے پہلے سرکاری آٹزم سکول کا سنگ بنیاد رکھ دیا گیا
لاہور: وزیر اعلیٰ پنجاب مریم نواز شریف نے پاکستان کے پہلے سرکاری آٹزم سکول کا سنگ بنیاد رکھتے ہوئے اس اہم منصوبے کو ایک سال میں مکمل کرنے کی ہدایت کی ہے۔ انہوں نے سکول کے ماڈل کا معائنہ کیا اور آٹزم سکول کے حوالے سے تفصیلی بریفنگ لی۔ اس منصوبے میں جونیئر اور سینئر سیکشن کے لئے بالترتیب 11 اور 10 کلاس رومز بنائے جائیں گے، جبکہ گراؤنڈ فلور پر مختلف سیشنز اور تھراپی رومز کے علاوہ کمپیوٹر روم، ڈیلی لیونگ ایکٹیویٹی روم اور پری ووکیشنل ٹریننگ روم بھی شامل ہوں گے۔
فرسٹ فلور پر ملٹی پرپز ہال، لائبریری اور دیگر سہولیات کا انتظام کیا جائے گا، اور مستقبل میں دو مزید فلورز کی گنجائش بھی رکھی گئی ہے۔ وزیر اعلیٰ مریم نواز نے آٹزم ماہرین کی فوری ہائرنگ اور منصوبے کی تکمیل میں ماہرین کی مشاورت کو یقینی بنانے کی بھی ہدایت دی۔ انہوں نے اس منصوبے کو اپنے دل کے قریب قرار دیا اور کہا کہ آٹزم کے شکار بچے محبت اور ہمدردی کے مستحق ہیں۔
