کے پی میں ڈیپوٹیشن ملازمین کا واپس جانے سے انکار

کے پی میں ڈیپوٹیشن ملازمین کا واپس جانے سے انکار

پشاور: خیبرپختونخوا میں ڈیپوٹیشن پر آئے ملازمین نے واپس جانے سے انکار کر دیا ہے۔

ذرائع کے مطابق یہ ملازمین پانچ سالہ مدت پوری کرنے کے باوجود واپس نہیں جا رہے ہیں۔

عام طور پر پانچ سال مکمل ہونے پر ڈیپوٹیشن ملازمین اپنے اصل محکموں میں واپس چلے جاتے ہیں۔

اسٹیبلشمنٹ ڈویژن نے ہدایت کی ہے کہ جو ملازمین اپنے محکمے میں واپس نہیں جا رہے ان کے خلاف کارروائی کی جائے اور خیبرپختونخوا میں وفاق سے آنے والے ڈیپوٹیشن ملازمین کی تنخواہیں بند کر دی جائیں۔

اسٹیبلشمنٹ کی ہدایت پر خیبرپختونخوا حکومت نے نوٹیفکیشن جاری کر دیا ہے، جو سینئر ممبر بورڈ آف ریونیو، ایڈیشنل چیف سیکرٹری پی اینڈ ڈی، تمام کمشنرز اور دیگر متعلقہ افسران کو بھیجا گیا ہے۔