بھارت میں بھنگ پینے والا غیرملکی سیاح اسپتال پہنچ گیا

ممبئی: ایک برطانوی انفلوئنسر نے حال ہی میں اپنے بھارت کے سفر کے دوران خود کو ایک پریشان کن صورتحال میں پایا۔انسٹاگرام پر سیم پیپر نے شیئر کیا کہ وہ مبینہ طور پر بھارت میں بھنگ پینے کے بعد فوڈ پوائزننگ کے ساتھ اسپتال میں داخل ہوگئے تھے۔انہوں نے انکشاف کیا کہ تیز بخار اور پیٹ میں شدید انفیکشن ہونے کے بعد حالات مزید خراب ہو گئے جس کی وجہ سے انہیں اپنا بھارت میں مزید آگے جانے کا دورہ ملتوی کرنا پڑا اور فوری طبی امداد حاصل کرنا پڑی۔

متاثر کنندہ نے یہ بھی دعویٰ کیا کہ اسپتال کے عملے نے ان کے علاج میں غلطی کی۔ انہوں نے الزام لگایا کہ انہوں نے IV ڈرپ کو کھلا چھوڑ دیا اور ہر طرف خون بہہ گیا تھا۔انہوں نے بتایا کہ میں نے بھارت میں سب سے برا کام کیا جس نے مجھے اسپتال میں پہنچا دیا۔ میں نے دودھ میں ملی کچھ بھنگ پی لی۔سیم پیپر سال سے سیاحت کررہے ہیں۔ انہوں نے بتایا کہ مشروب بنانے والا آدمی ایک بزرگ آدمی تھا، اس لیے مجھے اس پر تھوڑا سا بھروسہ تھا لیکن مجھے یہ دودھ پینے کے بعد فوڈ پوائزننگ ہوگئی۔