پوری دُنیا مذہب کا احترام کرنا بالی ووڈ انڈسٹری سے سیکھے: نواز الدین صدیقی

ممبئی: بھارت کے معروف اداکار نواز الدین صدیقی نے ایک پوڈ کاسٹ میں شرکت کی اور اپنی گفتگو کے دوران کہا کہ دُنیا بھر کے معاشرے کو بالی ووڈ سے سیکھنا چاہیے کہ تمام مذاہب کا احترام کیسے کیا جائے۔
نواز الدین صدیقی نے کہا کہ میں مسلمان ہوں لیکن بالی ووڈ میں میرے مذہب کی بنیاد پر کبھی بھی میرے ساتھ امتیازی سلوک نہیں کیا گیا، ہر اداکار اور فلمساز نے عزت و احترام دیا۔
اداکار نے کہا کہ میں گزشتہ کئی عرصے سے بالی ووڈ کا حصہ ہوں، جتنی محبت اور عزت مجھے یہاں ملی ہے، مجھے کہیں اور نہیں ملی، ہر مذہب سے تعلق رکھنے والے میرے مداح مجھے پسند کرتے ہیں۔
اُنہوں نے کہا کہ میں نے بھارت کے ہر چھوٹے بڑے شہروں کا سفر کیا ہے، مجھے ہر جگہ محبت ہی نظر آئی، مجھے نہیں معلوم کہ ہمارا میڈیا مذہب سے متعلق نفرت انگیز جھوٹی خبریں کیوں پھیلاتا ہے۔
اداکار نے مزید کہا کہ انوپم کھیر اپنے مذہبی عقائد پر بہت یقین رکھتے ہیں لیکن اس کے باوجود وہ نصیرالدین شاہ کی بہت عزت کرتے ہیں۔